صدر الآهات

صدر الآهات

:

اشوف الضيق ما ينوي على عتاقي
مـراراتـه عـلـى مـضـمـى سـقـانـيـهـا

وتـتـعـمـد دقـايق عـمـري ارهـاقـــي
وتـخـنـقـنـي مـن الـغـربـه ثـوانـيــهـا

وانـا مـن عـادتـي لا ضـاقـت افاقي
قـبـل تـخـنـقـنـي الـعـبـره، أغـنّـيـــها

:

مـا مـعـي فـيـك حيله تهت والفكر حار
كـلّ مـا ارسـلـت حـرفي يعتذر فيه ردّي

راح عـمـري مـسـافـر مـن مـطـار لـمـطار
مـا وصـلـت لسلامي والمسافات ضدّي

اعـتـذر عــن رحـيـلـي مـا يـفـيـد اعـتـــذار
وش يـفـيـد المُعنَّى دام مـالـه مـقدّي

الـصـبـر مـالـقـيـتـه يـشـفـي الانـتـظــــار
كـم مضالي وكفّي طابعه فوق خدّي

كيف يلقى السعاده من يذوق المرار
ضـاع بـيـن الـمـعـانـد والـسهر والتحدّي

يـسـهـر اللـيـل كـله لـيـن وجـه الـنـهـار
ثـم يـمـسـي وحـالـه زاد فـيــه الـتـردّي

واقـف بـرمـش عـينه طيف مـالـه مزار
لـو غـفـل عنه ساعه موق عينــه يندّي

آه يـا سـقـم حـالـي مـيـر مـالــي خـيـار
وين اوجّه بوجهي؟ وين دربٍ يودّي؟

صـدر الآهـات عـــاري مــا يــــــــــزرّه زرار
من كثير المشاكل باح بالشعر سدّي!

:

متى تمطر سواليفك على اوراقي
وتـحـيـي روضـة احـلامـي مـعـانيها

مـتـى قـلـبـك يـبـدد وحشة افراقي
مـتـى روحـي تـصـافـح بك موانيها

مـتى؟ مدري متى يانبضي الراقي
صـواديـفـي، تـحقـق بـك امـانـيـهـا

تعالي مابقى في قلبي الشاقي
بـقـايـا احـلام تـسـعدنـي مـغـانيها

اخـاف احـيـا بـدونـك عـمري الباقي
ولا تـلـقـى ورود الـحـب جـانـيــهــا

مواسي
1445/10/24هـ

:





:

للمزيد من مواضيعي