سرابيل بوح تقيني الصمت

يأتي كبيت شعري يهدى لذائقة وجودك ، بلا قافية وبلا جرس موسيقي وبلا صورة بلاغية وبلا فلسفة عميقة ، ومع ذلك تجده يعني لك الشيء الكثير ، إنه السؤال عنك من أحدهم.
قيمته تكون في أدبيات الروح .

وشاآية حرف ,بُشْرَى معجبون بهذا

تعالي واطفي أوجاعي بلمساتك
تقيثرت وطلبت يديك تعزفني

تعبت من الخيال ووصف همساتك
أنا محتاج..واقع..صدق..ينصفني

وشاآية حرف ,بُشْرَى معجبون بهذا

حبيتها قبل احتمالات وظنون
وقبل العمر يركض ويبكي طيحته

وقبل العيون تناظر بنص العيون
ومن قبل عطر الورد ينثر ريحته

ومن قبل لا تبدا علامات الجنون
القلب كانت نبضته : تلويحته!

ياصباح القصيد وبسمة عاريه
ياصباح الربيع اللي تجرد ( حيا )

في عروقي أحاسيسك ترى ساريه
لين فاض بعيوني ( غيمتين وضيا )

واسترق بس بعض الوقت لاجل أكتب
ماأحب البقع إلا على أوراقي

والله إني رغم قل المطر معشب
وغصن قلبي رغم عصف الزمن باقي

لو أقدر ألمس إصبعك
كان امتلكتي صحبتي

والله لو أقدر أزرعك
وحدك تكوني بتربتي

( غمض عيونك ) ...يعني فيه هديه

بس ( غمض جنونك ) ...يعني فيه صبيه !

الدعوه والله ( اشتعال )..
وبدون ( اش ) تبقى ( تعاااااال )!

وأودع صباحك بمثل مااستقبل به من حفاوه
وأودع غصنك بمثل مااستقبل به من طراوه
وأودع نورك بمثل مااستقبل به من نقاوه
وأودع خدك بمثل مااستقبل به من ( حلاوه )!

دخيل أنفاسك وسلسال آهاتك
دخيل الرنة العذبة بخلخالك

دخيل الجاي والحاضر ومافاتك
دخيل ( القبلة ) اللي تحتري وصالك

دخيل يديني ورقصات نبضاتك
إذا لامستها وابتل موالك

تعالي للغلا ..طالت مسافاتك
تعالي ..خلف ذاك الجرح...بلحالك!