سرابيل بوح تقيني الصمت

ياليت أقدر
أمون أكثر..
واخلي الصمت يصفعني..
كأني صرت ماأشعر..
واقول أكثر بعد أكثر..
أبي أحكي لخاطرها
وأغازل بالها الأخضر..
ولو مااكون شاعرها..
أبكتب لين أتشجر..
تبللني محابرها..
وأصير أكبر..
وتفهمني طيور الشوق..
وأتبعثر..
واكون اول عطر يوصل لآخرها..
وفي سكة مشاعرها..
أخلي ريحتي تسهر..

مريم ,‏يَمَامْ.! معجبون بهذا

فيك ماودي أحقق غايتي
لو حكيتك ماأبي أنهي الحكايه

لو تصورتك معي بمرايتي
صار تحريضك على اللهفة كفايه

‏يَمَامْ.! معجب بهذا

ظلام الشوق ليلني
وضي الوصل يجهلني..
أنا اللي عتمتي خرسا
ولا أذكر غير من ينسى..
تذكرني وناولني
شجونك واحتمالاتك
عيونك وابتهالاتك
وخل الشعر يحملني
لأوصافك وتعريفك
لجرح ( الكم ) في كيفك
بلا أسباب عللني
واذا شفت الظلام ينام..
قندلني..

مريم ,‏يَمَامْ.! معجبون بهذا

لاجل ماتبقين فعلا مستحيله
كم / يكفيني لاجل أوصلك / حيله!

مريم ,‏يَمَامْ.! معجبون بهذا

كنت في ضحكتك ساهي
يوم باغتني سؤالك:
وش هو اللي فيك يلفت ( انتباهي )
قلت : والله ( إنت/باهي)..

‏يَمَامْ.! معجب بهذا

وخلف الصبح والتغريد أشتاقك..
وخلف الحرف والتنهيد أشتاقك..
أجي مشتاق..
لوجودك وغيماتك وبراقك..
أجي مشتاق..
لهدوءك ونبضاتك ورقراقك..
وخلف الصبر والاحساس أشتاقك
وكثر الزهر والأنفاس أشتاقك..
أجي تقتلني اللهفه..
أجي صدفه ورى صدفه..
أجي مثل الرسايل ماتذوب إلا بأوراقك..
وأشتاقك..

مريم ,‏يَمَامْ.! معجبون بهذا

أنا من حزب ( أحكي لك )
وأجابه حزب ( أحكي بك )!

‏يَمَامْ.! معجب بهذا

صباحي فيك تتلطف هبوبه
ويهديني الصبا نشوة نسيمه

لقاك ..الله ياما اعذب طيوبه
معك كل ( الحزن ) ذكرى قديمه

‏يَمَامْ.! معجب بهذا

ياحلوه أدري ماهمك..
لو زاد السكر بي أكثر..
ياحلوه :
مدري اتهمك ؟!
ياحلوه والا ألتهمك ؟!!

‏يَمَامْ.! معجب بهذا

تعالي نشطب الصمت بسطور الضي
تعالي نوقد اللحظات بالحفله

قلم مات بقلم بس التلاقي حي
لو ان الحرف يجلس لي بوقف له

وأبكتب لك تحت شمس المشاعر في
أبيك انتي بغفله..أولا بلا غفله !