اتساق الكلام ..! ( مساجلة وثنائيات شعرية )

؛

طالت خطاوي ساعتي في حراويك
وأنا على تك الوعد ؛ اصطلي النار !
،
لفّي عقارب هـ الزمن ، كان يمديك
ماعاد فيني لـ " الوله " كذبة أعذار !

عهد النور ,الوله معجبون بهذا

اخفي شتاتي في رحيلك واجاريك !
واعيد .. ترتيب المشاعر .. والاشعار

قالوا : الغياب أحيان يآخذ ويعطيك !
لكنْ .. أشوفه حيل .. موجع وغدار !

تركي المعيني ,الوله معجبون بهذا

بعض المشاعر ما تبي اي تكتيك !
عادي نبوح إحساسنا كل ما فار !

لو هو خفيتي قالت أغلا قوافيك
ان الغلا باقي ولو صار ما صار !

تركي المعيني ,عهد النور معجبون بهذا

،


خوذي يديني من سطا البرد بـ ايديك
لي عام أرجف و " الفَقِد " ابني البار !
،
كن " الشتاء " من بعد ساعة تجافيك
مع وحدتي .. متبنّي جبهة إلى الثار !

عهد النور ,الوله معجبون بهذا

احساسنا بالفقد موجع .. ويكفيك
ان المشاعر في ذرى الفقد تحتار !

اللي تناسى الودّ بالصد يشريك ؟!
واللي تجاهل هالمشاعر له أعذار !

الوله ,تركي المعيني معجبون بهذا

،


محدن يهودلك الصباح ، ويغنّيك
إلاي، حتى صرت أُسمَّى موسيقار !
،
ومحدن تصبّر قلبه لـ قسوةٍ فيك
إلاي، حتى صرت أُمثَّل بـ صبَّار 🌵 !

الوله ,عهد النور معجبون بهذا

لا مرني صوت الحنين اكتفي فيك
واعزف من ألحان الألم لك ولا أختار !

واكتب من احساسي شعورٍ يناديك
وامسح دموعٍ من جفى الوقت تنهار !

الوله ,تركي المعيني معجبون بهذا

،


لا جيت أسيّل ذاكرة أمس وأحكيك
ضمن الذي خلّد على القلب تذكار !
،
غصّت على فمّي حكايات ماضيك
ولا قدرت " أنطق " بما بيننا دار !

عهد النور ,الوله معجبون بهذا

ما طاع هذا الوقت منك آتقهويك !
راحت سنيني والرجاء موعدٍ حار !

جيتك وانا قلبي على الحب شاريك !
لكن دربك كان مبهم و محتار !!

تركي المعيني ,عهد النور معجبون بهذا

الصمت راحة من غثا الوقت يغنيك
لاجارت الدنيا وبعض الوفا بار !

الغيم مايسعف شعورك ويبكيك
لكن يشتت هالدمع بعض الاسرار !

تركي المعيني ,الوله معجبون بهذا