همس النسيم

تفاوت عقول الناس من دبرة الخلاق
ولله في خلـقِه ..... تدابيـرٍ وحكمـه

لوعقول خلق الله تساوت على ألإطلاق
يضيع التوازن .. والوضع ينقلب نقمه

وحنا نشوف الفـرق بالطبع والأخـلاق
ومما نشوفه ... نعرف إن العقل نعمه

#النجم_العالي

الـتـوق ,شتاء.! معجبون بهذا

أيها المعلق بحبل الوريد
لا يزال ينمو هواك سريعا
كعشب أخضر يقبله ثرى العمر ..

الـتـوق ,شتاء.! معجبون بهذا

تعالي .. نسهر مع القمر
في ليالي يكتبها الدهر
وعلى شاطئ الأماني
أنا وأنتِ الوان الطيف
قوس المطر
../

الـتـوق معجب بهذا

الحصان اللي مايصهل لا نخيته
وش لزومي فيه يوم امدح واغني
'
من بغاني بالوفا والطيب جيته
ومن تردى مع رداه ايرووح عني
'
العزا فـي ظني اللـي بـه هقيته
ياعساه افـدا مراميـعـي وظني
'
ياصدق عـلمٍ من الماضي لقيته
الـمـراجـل ماتـهـيـا بـالتـمـنـي
'
غانم نوار السبيعي

الـتـوق معجب بهذا

للرجل لامنك عرضت العزومه
لا تحرج الرجال في كثر الاديان
،،
اعزم وجوب وفرحةً في قدومه
وليا رفض معذور والعلم نيشان
،،
ترا العزومه فال ماهي خصومه
تقدير ويقدم من إنسان لنسان
،،
الناس كلاََ وسط صدره علومه
وفلان ظرفه يختلف عنك يافلان
،،
سالم السامود

الـتـوق معجب بهذا

الطـيـب في روس النشاما وهـايب
يصعب عـلى الرديان دينه وكـاشه
،
مشوهقن يصعب عـلى كـل خايب
مـاكـل نــذلٍ لـو تـهـقـواه نـاشـه
،
اللـي عـلى ربـعـه يشن الحـرايـب
وعـن الكـرم يمنـاه فـيها ارتعاشه
،
نجسٍ لبن عمه على الحقد خايب
ومع النجاسة في عـلـومه دفـاشة
٠
#طلال_ابن_جسار

الـتـوق معجب بهذا

لصار ماطيب الولد من ذراعه
لايفتخر في ورثتــه من جـدوده
،
الورث بالبل والنـخل والزراعــه
والطيب كلٍ قدحتـه من زنـوده
،

للشاعر صحن بن قويعان رحمه الله

النقاء ,الـتـوق معجبون بهذا

تغانم شبابك يا أبيض الوجه دامك شاب
ترى البدر لو يطلع قمر عود هلالي
.
فلا تهجر المسجد وخلك وراء المحراب
ترى روضة المسجد لها منزل عالي
.
ولاتترك اللي يزهمك خايفٍ مرتاب
ترى الذل ما نجى الثعل بالتحيالي
.
عبدالله بن شايق رحمه الله

الـتـوق معجب بهذا

بعض خلق الله لو انه حذفني ماحذفته
لاجل ما ودي مع الناس اتنقّـد واتزرّا

المقفّي ما تبعته والمغطّى ماكشـفته
اترك المجنون لو يكشف ثيابه ويتعرّا

#مطلق_الثبيتي رحمه الله

الـتـوق معجب بهذا

يامن دريت بحاجتي حاجتي جتك
انت العظيم وعالمٍ ب الخفايا

انا الفقير اللي شملته برحمتك
واللي لجاء لك عن جميع الخطايا

مالي سوى عفوك وعطفك ومدتك
وكل الرجاء بك عن جميع البرايا

يامن ملوك الكون تخضع لهيبتك
اسالك من فضلك عظيم العطايا

#عبدالله_الرشيدي

الـتـوق معجب بهذا