أخوي تاج رأسي

أخوي تاج رأسي

.


.
.


يا أخوي لا تكسرك خوة ملاعيب
من يقهرك يا جعل ..عمره توالي
.
.
في هالزمان نعيش عصر الأكاذيب
قـم لا تـعـثـر وارفـع الراس عالي
.
.
ياما بلعت الغدر صامد كما الذيب
وش فيك هالمـرهـ غزاك إختلالي
.
.
أرهقت نفسك بالزعل والنشاشيب
النااااس مرضيها .. يجيه إعتلالي
.
.

طمعتهم في فزعتك والمطاليب
من فضل ربي منزلك بالعلالي
.
.
ما كل من تعطيه بين به الطيب
ولا كل عين تستحي ..يا حلالي
.
.
الطيب يرفع صاحبه بالمراقيب
وإلا الردى يدفنه تحت الرمالي
.
.
إحذر تبين ضيقتك ..للأجانيب
الصمت حكمة يا شبية الجبالي
.
.
خلك وسيع البال كثر التراحيب
الضيف له قدر كبيــرٍ وغالي
.
.
مابيك ياأخوي تعيش بلواهيب
أنا بليا عزوتك .. وش بقالي..؟
.
.

إن خابت الهقوات شفت العذاريب
بكره يطيب الجرح يا رأس مالي
.
.
يابعد عيني ياعضيد المكاسيب
الروح فدوة مبسمك .يا ظلالي
.
.
لا يأخذك شك ولا يسكنك ريب
ولد الكفو .. دايم .. عليه إتكالي
.
.
في ذمتي عديت كل التجاريب
يحفظك ربي يا سليل الرجالي
.
.
ماهو .بدايم كل أيامنا .تطيب
لا صار ..رأسك سالم.. مانبالي
.
.
كل حاجة مع طول الأيام بتغيب
ما دايم الا ذكر .. رب الجلالي

.
.

للمزيد من مواضيعي

 

.
.

ماشاء الله
قصيدة غنية بكل مفرداتها
سلمت
وحفظ أخوك ..من كل سوء
صح لسانك شاعرة أصايل
دمت بحب

للوشم ومنح المكافأة

مداد اليراع معجب بهذا

تبارك الله
حقاً الأخت عزوة
الأخت مشاعر اخوها
لافض فوكِ وصح لسانكِ ويحفظ لك اخوك
وجعله راعي مجلس هلا وغلا
وبحراً لا يقبل الا الأحياء يعيشون بداخله