أعشقك يااعظم حقير

أعشقك يااعظم حقير

استشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر

لاتحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر

والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر

جيت لك موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

كيفها عيونك حبيبـي لـو تناظـر بإحتقـار
دام أنا بعينك حقيره أعشقك يااعظـم حقيـر

خلها تطـول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر

ودامها صارت تحدي ما أحب لعـب الصغـار
وأبتدي أقنع عيوني بس تشوفك هـي كبيـر

وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر

وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى كسير ؟؟

تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟

تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعير ؟؟

كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر

التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر

شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر

ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر

تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر

والمسافه لـو بعيـده مـا أمـل الإختصـار
ماتهـم الجاذبيـه دام أنـا لعينـك أطـيـر

كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر

يستشير الكـون لكـن مايفيـد المستشـار
هو عقب نظرة عيوني .. به عيونٍ يستشير ؟






أجهل اسم شاعرتها
اللي يعرف يفيدنا

للمزيد من مواضيعي

 

القصيدة للشاعرة
ولاء عواد

المعتفس معجب بهذا

شكرًا لتواجدك والإفادة، أخي البراء.
القصيدة أحفظ مطلعها منذ سنين طويلة، واليوم جاء في بالي البحث عنها وعن صاحبتها، لكن عمّنا "قوقل" أعطاني القصيدة بدون اسم.
ممتن لتواجدك ولعناء بحثك.
دمت أخًا وأستاذًا لي في اللغة العربية والنبل(:

الْياسَمِينْ ,البراء معجبون بهذا

اختيار جميل
لشاعرة قديرة
نالت شهرة كبيرة من خلال مشاركتها في شاعر المليون

شكرا اخي المعتفس على هذا الجلب
تحياتي وتقديري

الْياسَمِينْ ,المعتفس معجبون بهذا

ما كان عليك ذكر المليون ..
بمجرد ما أقرأ أو أسمع مليون أشعر بصداع وحكّة في جسمي
وأهلًا بك عزيزي

الْياسَمِينْ معجب بهذا

العنوان بحد ذاته يغني عن ألف قصيدة
عنوانها يهز هز ..
مع أن الحب والحقارة عمرهما ما اجتمعا
استغربت من حقارة العم قوقل
حين أخفى اسمها عنك
قصيدة رائعة كروعة ناقلها …

المعتفس معجب بهذا

أسعدك المولى ياسمين
وأهلا تليق بعظيمة مثلك

الْياسَمِينْ معجب بهذا