تجارب ...

تجارب ...

يتعلم الإنسان من تجاربه
ومن كل ما يمر به من أحداث
وبقدر ما يعي من الدروس
يستطيع ترويض الحياة تارة
وترويض نفسه لقبولها تارة أخرى
لذا كانت تجارب ..



أجمل أحداث الحياة اللي تجيك بْلا سبايب
يمتلي قلبك فرح مكسب يجيك بلا خساره


تنتزع من فرحة الأيام أفراحك غصايب
بين طرفة عين تسعد في الحياة بلا مرارة


السعادة ما تجي للي مزاجه مو بطايب
طيِّب أيامك رضا لو كان في الداخل شرارة


طيِّب القلب بحياته ما يوقف للمصايب
بالتسامح تمضي اْيّامه على نهج اختياره


عزتي والله للي عادته دفع الضرايب
أي لحظة حزن عابر هي كفيلة بانكساره


من كثر عثرات وقته وانهزامه صار شايب
ما درى إن السعادة فعل يحتاج لْقراره


الزمن هذا فتح بابه على كل الغرايب
والسعادة فيه للي قادر يروِّض مساره


ليه تندب حظَّك وتبكي من أوقات العجايب
إن تغير وقتك ارفع له شعارك مَعْ شعاره


وإن هجم وقتك عليك بكل أنواع الصعايب
خذ أمورك بالرضا تارة وبالقوات تارة


وِدَّنا بالسِّلم نَحيا وحولنا كل الحبايب
لكن السِّلم الحقيقي ما يعيش بْلا جسارة


ذي تجارب عشتها في سلم واْكثرها حرايب
وصغتها للي يبيها شعر وأتقنت العبارة




سُهيل

عبدالله الصقري ,النقاء ,النداوية ,شتاء.! معجبون بهذا

الموضوع الأصلي: تجارب ... || الكاتب: *** سُهيل *** || المصدر: اسم منتداك

www.domin.com

كلمات البحث

العاب ، برامج ، سيارات ، هاكات ، استايلات

المصدر: منتديات مدائن البوح