نصوص من مجاراتي في الشعر النبطي/ صالح عبده الآنسي

نصوص من مجاراتي في الشعر النبطي/ صالح عبده الآنسي

نصوص من مجاراتي لإخواني
من الشعراء النبطيين على تويتر

حن الخفوق ورحبت فيه الاشواق
بـرجـعـة الغــالي مـن بـعـد فـرقـا

والوجه بالفرحه تهلل بالاشراق
والعين تلمع بالسَّـعَـد حيل برقا

وشلون كان الصدر في البُعد ينضاق
والروح مِـحـتـاســه بـَلَـيَــــاك زهـقـا

والقلب من جمـر المواجيد حَرَّاق
والنفس في بحرٍ من الحِزن غرقا

الـلـه لا عَـوَّد عـلـيـنـا بَلَفْـرَاق
جِعْلَك بقربي يا الغلا دُوم تبقا

* * * * * * * * *


يا خِل ليه الليل يقبِل بطاريك
يبْحِر مع طيفِك على هوج الامواج

والقلب ما ينساك، نبضه يناديك
غرقان بالذكرى، ولِك أنت مِحتاج

من يوم ما قفيت وتوِّه يحارِيك
يِدَوّْرِك، ولا مِنك نارٍ ولا اسراج

مدري مِتى تِسْمَع، وتفزَع لداعيك
ومن بحور الشوق تِنوِي لِه اخراج

* * * * * * * * *


مِثل المِطَر إقبال خلِّي، اليا وِصَل
في شوفتِه فرحه، ولا قَفَّى الهموم

يغسل شجون القلب، واحزان المُقَل
بالهرج، مِزنٍ عذب، من عذب الغيوم

واليا تغلَّى، وغاب عني، وما سِئَل
أحِسَّنِي ظامي، وبي حَرّ السموم

خلِّي مِطَر وانا الأرِض لي ما تِمَل
من سَحّ سكابِه، وتحيا بِه، تقوم

* * * * * * * * *


أظِن ما لِك قلب، ولو كان لِك قلب
قد كِنت مَرَّه بيوم حَسَّيت فيني

متعودِ(ن) زِينِك عـ النهب والسلب
سارقني من نفسي، ومن نوم عيني

* * * * * * * * *


إليا التقيك اطلب من الوقت يبطي
ومن عقرب الساعه يُوَقِّف مسيرِه

وحين اسولِف لِك وبي الوِد أعطي
آخِذ من اوقاتِك ثواني قصيرِه

يظهر لي إني كِنت بالشوق مِخْطِي
ويا كيف نفسي عنك ترجَع كسيرِه

* * * * * * * * *


الله من خلٍ به الصدر مخنوق
والقلب كنه دَلَّةٍ فوق جمرَه

لاني بـ ميتٍ منه ولاني بـ معتوق
معلقٍ ما بين صده وهجرَه

ودي عليه اشكي من حُرقة الشوق
يمكِن علي يرِق ويحِنّ صدرَه

* * * * * * * * *


لا تخلي الكِبر بعد اللي حصل
يحرمِك مني، ويقفي بِك بعيد

دامِني رديت لِك؛ سِيب الزعل
خلِّنا نرجع، ونبدا من جديد

غير زولِك أنت والله ما وِصَل
قمة شموخي، وانا قلبي حديد

لان لِك وحدِك، وعُمرِه ما نِزل
يوم إلا لِك، عطاك اللي تريد

* * * * * * * * *


إي والله احبه جد، ما هو صداقه
وابيه لو يدري وش كِثر احبه

من هيبته كاتم بقلبي عشاقه
ما يوم مر من غير ما احتاج قربه

ساكت، ومابي غير اتابع رَوَاقه
واسعد، واقول: "الله يسعد لي قلبه"

* * * * * * * * *


وِش حـيـلة اللي حـارب النـوم عينه
اللي كــــــواه الشوق من فُقد غاليه؟

غير يدعي رب الكون يسخَّر ضنينه
يــرتــد لـِه، وتـعـود فــرحــة لياليه

ولا شافِه هاللي ما يردِه حنينه
واليا أتاه صَدِّه، وقيَّد خطاويه

يـتـرِكــه، وعـ السـلـوان الله يعينه
ولا يهدم اللي له بنى في حناويه

ويبقى على عهدِه معِه، ما يخونه
ولا يبـيـع الغـالي، أو يشتـِرِي فيه

* * * * * * * * *


لا تحسب انِك في المحـاني تِمَكَّنت
أو كِنت لي ماضي، ولِك طاري قِدام

خلاص محيتِك من حياتي وأعلنت
للقلب موتِك، حاكمٍ حِكم الاعدام

الدرس كان كافي، ومنِه تعلمت
إن الحياة فيها عذاريب واوهام

وان فيها من المطاليق..مو انت
من بالوُفا لي حطموا كِل الارقام

* * * * * * * * *


أبيك لو يطرا على البال ذكري
لو باقي للعشره بقلبِك غلاها

تِنشِد عن أحوالي،عن احزان عمري
عن فرحة ايامي، وما قِد بلاها

من سِب يا المقفي أبي منك تدري
وِشلون بُعدِك كان سِبِّت عناها

أحتاج لِك وحدِك دوا ضيق صدري
تردّ لي الضحكه وتعلي صِدَاها

فانت الوحيد اللي لِك الروح تسري
وانت القُمَر اللي يعانق سِمَاها

* * * * * * * * *


حاولت أنساك لكن ما قدرت انساك
وما فيه لحظه تمُر من غير تطرا لي

يا اللي معاني العذوبه والوُفا شَرْوَاك
والله ما اتّرِك ولا ازعل منك يا الغالي

لّبَّاك قلبٍ وروحٍ في الحشا تِفدَاك
هِيْ عزوتِك والحِمَى والدار مِنزَالي

أبـَ صّْبُر على قسوتِك بس مو على فُرْقَاك
مابي يعورني قلبي واتعب احوالي

* * * * * * * * *


وحدِك بقلبي من لِه النشر والطي
ولِك حقوق الملك حاكم لمحكوم

ما فيه غيرِك لِه في خافقي شي
على غلاك وبس بالشمع مختوم

في يدِك المِفتاح ما دامِني حي
شيله معِك لا يضيع منِك أبَد يوم

أمنتِك الله عليه ترفُق به شوي
لا تترِكه من طلتِك يوم محروم

شعر: صالح عبده الآنسي

للمزيد من مواضيعي

 

.

.

مجاراة سامقة تنمُ عن حسّك العالي

وتذوقك الأنيق
مقطوعات تستحق الإشادة

وفيها من السحر الوفير




الوشم
والتقييم
ولنور المدائن

نجـ سهيل ـم ,صالح عبده إسماعيل الآنسي معجبون بهذا

شهد يقطر مع تلك الاغصان الكلماتيه..
وابداع ازهرت حروفه وفاح عبيره..
تحياتي طيبه..اخي صالح ..

صالح عبده إسماعيل الآنسي معجب بهذا

يا لجمال وروعة ما طرحت شاعرنا الفاضل

كلمات كتبت لترصع بالذهب

ولتنحني لها الأقلام والأحرف اعجابا وتقديرا

قلم اعتدنا منه الابداع ومصاهرة النجوم في السماء

اعجابي وتقيمي

مع اكرامك بهدية

محبتي وتقديري

تمت الاضافة

مبروك

تحن روحي

ويحن عمري لسنينك

وبلهفة من تجيني

بحلم واشتاك لشمس عينك

انا الناي الحزين الحزنك

ويغني لمواويلك

وانا الطيف المتمنية

تمر بية

الاستاذ الرائع صالح عبده الآنسي

على اجنحة الشوق تسافر الحروف
نحوك نحو ابداعك

ممتزج بالرومانسية الحالمة
وارخي سمعي لعزفك المنفرد

على اوتار العذوبة

مروري على حروفك

يجعلني اصل الى قمة الاستمتاع

تحيتي تليق لشخصك الراقي

ولقلمك الفاخر والمميز تقديري 🌹🌹

تعتلي احرفك السماء الثامنة
شعرك اشبه بسنابل خضراء
سلمتم وسلمت روحكم النقية محلقة.
احترامي وتقديري

الشاعر الكبير الرائع/ صالح
تسوق الدهشة في إطار شِعر مؤنس اللهجة
تميزك في كل إطلالة يَاربيع الشعر
صح احسَاسك والبنان
مدهش وربي فكرَةً وصياغة كأجمل ما تكون

اشكرك كثيرا....

ما أجمل كلماتكم عندما تنبعث
من صادق أحساسكم
ارتقيت ببراءة حروفكم إلى علو المعاني
رائعه هي كلماتكم .. كروعتكم ودائماً
تأتونا بكل ما هو جميل ورائع..
لكم تحية من صميم قلبي..