مساحة روح

مساحة روح

السلام عليكم و رحمة الله و بركاته

هنا رح يكون مساحتي
من فضفضة
او
اقتباسات راقت لي

للمزيد من مواضيعي

 

“وتِرحَل ..
صَرخَتي تِذبَل
في وادي .. لا صدى يوصل
ولا باقي أنين”

بدر بن عبدالمحسن

متأمل معجب بهذا

“حبك يفضحه الصمت .. لذا آكتمه بحديثي ”

بدر عبد المحسن

متأمل معجب بهذا

فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير

خالد الفيصل

متأمل معجب بهذا

أفكار ببالي مو عارفه كيف ابعدها عني
الصدق متعبتني
صح شفت رد عن الافكار عجبتني
و خلتني افكر بطريقة ثانية
و احمد الله على النعمة اللي انا فيها
بس مشكلتي التطبيق

و هذا السبب
اللي خلاني افتح مدونة هنا
لاني من النوع اللي تعبر اكثر بالكتابة

متأمل معجب بهذا

اكثر انشودة حسيت بمشاعر
غريبة بقلبي و لين الحين مو فاهمة ليه حسيت فيها
بس جميلة و من الاناشيد المفضلة

متأمل معجب بهذا

اجمل حب
هو حب الله عز و جل لعبادة

متأمل معجب بهذا

بقلبي غيرة
بس غيرة محمودة
اغار من كم شخص علاقته بربي قوية
صحيح
الله عز وجل يحبني الحمد لله
بس ممكن لاني اشوف نفسي مقصرة
ما اقدر اقول
الا
الله يردني اليه ردا جميلا

متأمل معجب بهذا

شفت رد مكتوب ( الحب مو بالقوة )
و الصدق صادق اللي قالها
لاني فكرت بكم موقف عشتها
و صحيح مو لازم يحبوني
يكفي ربي يحبني و كم شخص يحبني
و مستقبلا زوجي و عيالي
انه كم شخص يحبك بصدق
افضل من اشخاص يحبونك
او يظهرون انهم يحبونك
حتى لو كانو قريبين منك
و مثل ما يقولون ( القلب ما ينجبر على قلب )

اليوم دخلت سناب شخص اتابعه شبه يومي
و اعلن عن خبر فرحني كثير
انه ربي كتب له انه يتزوج قريب
و انا اقرأ كلامه ابتسم و كل ما اقرأ كلام متابعينه
اللي نزل ردهم ابتسم اكثر
و كأن هذا الفرح لي
سبحان الله اللي نزل له قبول
الصدق
كنت اتمنى انه يتزوج قريب
هو مو شفقة بس حزن على وضعه
لان واضح لي هو وحيد
صحيح ان ابوه و اخوانه عايشين
بس اكيد كل واحد مشغول بحياته
ما اقول الا الله ييسر له كل عسير و يوفقه
و يسخر له الناس الطيبين
و يزوج كل شاب و فتاة يتمنون الزواج