رحلة قصيدة

رحلة قصيدة

.

السلام عليكم ورحمة الله وبركاته


رحلة قصيده
هي قصيدة شرعت في تأليفها على 16 مرحلة
كل مرحلة بعدد خمسة ابيات
أتممت منها 7 مراحل وبقي منها 9

سوف اكمل مسيرتي فيها هنا
مع حرصي على عدم ايراد السابق منها حتى لا يدخل في باب المنقول
ولكم جزيل الشكر.



.

للمزيد من مواضيعي

 

..

8)

للمهبّ البارد الي يطوي الساري صريده
إلتحف قبل يتجدد لفح عوصان المهابي

العمار اسفار يامن بيتك الثاني تشيده
الحذر لاعاد ما ينجيك من هوج اللجابي

كا نها سود الليال الغبر للساري كميده
مابها غير الظلام الموحش وكثر الوصابي

أطلب النور الذي ماتاه من يمشي صعيده
رحلةٍ ساير نهجْها من ثمار النفع جابي

القلوب الساهيه يا صاحبي غير الرشيده
يوم تقنب فوق راس الرجم سحمان الذيابي



.

عصي الدمع ,أوراق كادح ,النقاء ,هادي علي مدخلي ,بُشْرَى معجبون بهذا

.





9)


النبيه الي خذاه الليل ما يامن هجيده
يحتمي من جود نفسه عند سطوات النهابي

ينتبه بأول شبابه، يدني لجرحه ضميده
دام ماله حيّ ينفع حين ما طار الغرابي

المواجع خلها في مقبرة صدرك لحيده
كان تقدر ولاَّ انا طرفي على يِمَّه سجابي

ماثله قدام عيني رحلة الماضي جسيده
ممتلي صدري طواعينٍ من انصال النشابي

ليت من فيها رماني معتبرني له نجيده
قبل ما يرميني بضيمه على ضيمه رمابي




.


.

بُشْرَى ,أوراق كادح ,النقاء معجبون بهذا

.


10)


الطريق الصلب ماياوي على خطوة كبيده
للمصاعب حرب نفس بخطوةٍ ماهي خبابي

الحصان الي تروبع يضرب الأرض الجميده
كنما ساقه على صم الحجر عود الثقابي

تشتعل خلفه مسافاتٍ نوافيها حشيده
نقشها ماكنّه الاّ وصف مدقوق الخضابي

إن تردى عزمه الصامل فلا فاده هبيده
لن تكسّر مانفع في شعفة اكسوره عصابي

من يجيب الرابحه ياصاحبي عند الكسيده
مثل من ساق الرطينه عند نحويٍ عرابي




.

بُشْرَى ,أوراق كادح ,النقاء معجبون بهذا

.

11)

مايفيد الي توجّد بالخلا معنى وجيده
لو تظلل دون حر القايله بيض الربابي

محتزم بالصبر مالي غير جوداته رفيده
في زمانٍ مارفع موسه عن لحامة قطابي

الجمل ماطاح لو ماله على حمله بديده
له على الشده يقينٍ حايزٍ فيه انتخابي

الروا لو يشربون البحر الاحمر مايميده
يزعلون من الرضايا مالقو فيه انتضابي

وانت يالي لك بقلبي راقبياتٍ عتيده
وين ماتلفْت بعينك يتبعك بالود صابي




.

بُشْرَى ,أوراق كادح معجبون بهذا

.
12)

أكتبك للسطر الأول حرف ما يطفي نهيده
يتسع فيه الكلام الي شحنته من عتابي

كيف لا وأنتِ تهمهم بك سواليفٍ رغيده
تنسجم فيها المعاني كلها لآخر خطابي

عشت عقبك ايه لكن خلف بيبانٍ وصيده
أتجرع من مرار الفقد لوعات الغيابي

لو قريتي ما رأفتي وان عرفتي يا عنيده
تنبذين المرهف الي ذاد من جور اضطرابي

ذايدٍ لك ما لقى له عن همومه من يذيده
مغتوي بك مير ليته عن طريق الغي ثابي



.

.

بُشْرَى معجب بهذا

.

13)

تحت هوج الموج غارق جافلٍ لك مادد ايده
ذاب في عمر الزمان ومال صيحاته ملابي

طيرك الفاره تردد فالمدى نغمة غريده
يستثير السايح الي منتهض جود الركابي

واهبٍ جلّ العطا لك ماطمع ان يستعيده
كل نغماته على متن الهوى راحت وهابي

يوم انا عند العِوَز ماشفت من يغني سديده
كان لك طوق القرنفل والدرر عقدٍ سخابي

عشت في سحر المداين ياهوى مالي فقيده
ناتلٍ حبل الرجا من تحت سكين اكتئابي






.

.

بُشْرَى معجب بهذا

.

14)

يارهيمه دامت ايامي موانيها رهيده
ماتغيّر وصفها لي في حضوري من غيابي

مدركٍ للعلم ثابت قاطعٍ حبل المكيده
كيف اخاف النار تنشب في يدي وفي ثيابي

وازنٍ بالكيل حرفي كلّ هقواتي جديده
لو يزيد الغيض فيضي ماقفل بالود بابي

ماعرفت اقراك لكن كانت الفرصه سعيده
ياوشامٍ فوق كفٍ من سموم القيض ذابي

لو شبيه اللول عقده مازها باللول جيده
كان ما تنقل ذلولي ذكرياتي في ايابي




.

.

بُشْرَى معجب بهذا