همس النسيم

إذا تاهت مداراتي لقيت بقلبها مرسى
وإذا قل الوفا حولي عطتني الحب بلا منه
توصيني على روحي أدير البال وما أنسى
كأني فعينها طفل أبد ما يكبر في سنه
أبا أسكن قلبها اللي ما عرف لو مرة بس يقسى
وأبا ألثم تربة صارت تحت أقدامها جنة.

الشاعر / مصطفى الكاهلي

المســــافررر ,الـتـوق معجبون بهذا

اللي يبي يخسرك ماراح يربحك
واللي يبي يربحك لجلك يعاني
.
واللي يبي يسترك ماراح يفضحك
يفضحك من يرضى عليك الهواني
.
واللي يبي يشتمك ماراح يمدحك
حتى لو انك مجني تصير جاني
.
واللي يبي قربك لو أبعدت يسبحك
حتى لو إنك بحر مابك مواني
.
واللي يبي بعدك لو يدل مطرحك
ماجاك لوكنتم قراب المباني

شعر:صالح المطرفي

المســــافررر معجب بهذا

إحساسي بصوتك قصيدة ☺️😇
https://youtu.be/Nqs2WSROuf4?feature=shared

النقاء ,المســــافررر ,مداد اليراع معجبون بهذا

الله يقطع الحاجه ومشي بلا مشهاه
والله يقطع اللي كلّ من قاربه ملّه
والله يقطع اللي لا بغيناه ما نلقاه
والله يقطع اللي لا صفا ما صفا كلّه
الشاعر / سعد بن جدلان رحمه الله

الـتـوق ,المســــافررر معجبون بهذا

قد تكون همساتي

وردة تتنفس عطرها في
منامك

وتتخلل جمالها جزء من
احلامك

وعيوني ترقبك وتسحرني
أهدابك



ساميــــــ

مداد اليراع ,الـتـوق معجبون بهذا

اسهر معي ليلة
حاول تحس
بلوعتي ليلة

الـتـوق معجب بهذا

يابن آدم يلعن الله مختالٍ فخور
من تواضع تحت ربّي يعلّيه درجه
لجل ما تدخل جهنّم على شان الغرور
للعرب حاول تواضع وتعطيهم وجه
الشاعر / سعد بن جدلان رحمه الله

الـتـوق معجب بهذا

ياالله وحنا لك عبيدٍ ملاكا
ولمن يسالك مع رواق السما فكّ
يا مهلك العزّا معزّ الهلاكا
والمبتدا والمنتهى كلها لك
يامالكٍ مالك بملكك شراكا
افرج لجاشٍ حطّ فيه الدهر حكّ
ابغى اتحاكا ماعرفت آتحاكا
من همّي اللي قاطعٍ له علي صكّ
ضيم الدهر منه النشاما تشاكا
التكّ خلاها دبل والدبل تكّ
عطى ضعيف العقل ياكا وياكا
ولا حكيم العقل مايلحقه شكّ
الشاعر / سعد بن جدلان رحمه الله

الـتـوق معجب بهذا

مرحبا يا أعذب الأصوات وأغلاها
صوتها العذب مراسلته على شاني
والمشاعر تلبى لى من أقصاها
من خفوقى ومن دمى وشريانـي
كل بيتن يداعب حمـرة أشفاها
يمتلكنـى ويأمرني وينهاني
أنا وأرضى وشعري من فداياهـا
حتى بحرى ولولـوى ومرجانـي
وان كتبت القصيده مـن مزاياهـا
أتحدى بيـوت الشعـر تعصاني
ميـر حتـى قوافيهـا ومعناهـا
كل بيتن يسابقني علـى الثاني
والله اعلـم ولولاهـا ولـولاهـا
مـا تحـدت ظـرف ولا تحداني
لين راحـت وراح القلـب وياهـا
قلب سلطان مير الحب سلطاني
حطتـه كنـه الخاتـم بيمنـاهـا
مثـل خاتـم نبـى الله سليماني
وكل طعنه مـن الغاليـن حياهـا
قد ذبحنى غلاااها العام وأحياني
كنت من حبها اكتبها ولا اقرأها
مير ذالحيـن تكتبنـى وتقراني
في حياتى من اولها الـى أتلاها
مهرتن كنها مـن خيـل جداني
كل مـا وصفوهـا كنـه إياها
بس هذى بليـا سـرج وعناني
سرجها الليل لا انهـل وتغشاهـا
تفهقه عن جبين الصبـح لأباني
وان نطحهـا الهـوى ولا تقفّاها
قمت أغنى لها لاحـي ياليحانـي
وأزرقتني برمحـن مـا تعداهـا
وابتلتني يـا ربـى لا تبـلاني
الشاعر / سلطان الهاجري

الـتـوق معجب بهذا

جاسم الصحيح قال عن الأحساء :

أُسَمِيكِ أُمِي كي أوفِـي لَكِ الأسما
فبينكُما في نطفتي وحدة عُظْمَى!
أُسَمِيكِ أُمِي.. والأمومة موطنٌ..
بمقدارِ ما (ننمو) عليهِ لهُ (نُنْمَى)!
أُحِبُكِ يا (أحساء) في كلِ كِسْـَرة
من الطينِ شَعَتْ في يدي قَمَرًا تَـما
أنا ابْنُكِ فَلاَحُ القوافـي، فطالما
طَبَعْتُ بمحراثي على قاعِها خَتْماَ
أُحِبُكِ يا (أحساء) في كلِ نظرة
إلى الحقلِ صَلَتْ بـي إمامًا ومُؤْتَـما
وصدري الذي لو ضَمَ ألفَ جميلة
تَظَلُ جذوعُ النخلِ أجملَ ما ضَما

الـتـوق معجب بهذا