سرابيل بوح تقيني الصمت

ماعاد به شي يستاهل أنادي له
...ولاعادني أعتبر صوتي من اسلحتي

الصوت لو فيه خير وقوة وحيله
...ماكان أنا وقت ماصوتت لك رحتي

يوم اعترفت بغرامك ذابت الليله
....المشكله بحت..بح الصوت مابحتي

طيحتي الحب من عينك وانا اشيله
...ياحظ من لاجل قلبه فالهوى طحتي

كم ملت لك بس مالك للأسف ميله
..كم في سماك الأنيقة أفرد أجنحتي

كانك رفضتي الهوى من حزنه وويله
...أنا مسامحك قبل القاك سامحتي

وان كان لك حب ثاني صعب تأويله
....الله يوفقك...جيتي طيب أو رحتي

ذَاتِ العِماد معجب بهذا

الشعر قبل يجيب سيرتها
يجيبها التفكير والوسواس

ولو ماوصل وجهي لديرتها
يوصل لها بالشوق وجه إحساس

ذَاتِ العِماد معجب بهذا

أنا من خطاوي القلب ودي خلاص أرتاح
أبستوطن النسيان وأقتل عنا ممشاي

مابين جمر ونكهة التين والتفاح
يحلى الصباح وينتشي مع بريق الشاي

أنا مدري وش القصّه؟

سمعت اللحن من شباك احساسك

لقيتك غارقه بـ الرقص وكل العطر بانفاسك

وانا مدري وش القصة

ولكني مسكت يديك

يالله نكمل الرقصه....

نوارس حبك تهاجر

...... وشوقي لك سما مينا


أفتـّش عنك في باكر

......ولاالقى غير ( أسا....مينا)

حبيت نورك همستك , حبيت روحك لمستك

حبيت صوتك لا حكي , حبيت جفنك لا بكى

حبيت فيك الفلسفه , ياوارفه ياعازفه

حبيت صيفك والشتا , واسأل عن الموعد متى ؟!

متى أنا لك أعترف

واقول حبك مختلف

إذا سكتت أقول وش ذنب الحكي

...واذا حكت تموت غيره يالـســكــوت

بشفاتها للحرف معنى ( ليلكي )

.... وفي صمتها يصير للإحسـاس ( صووووووووووووووووت )

أبخطفك وأرحل بعيد
وساعديني أخطفك
تدرين صار لقلبي إيد
والإيد تبغى تقطفك
وأضمك بشوق شديد
وأكتب قصيدي وأعزفك
لانك نغم كل القصيد
وعجزت انا فيه أوصفك
وأقول لك حبك أكيد
والقلب قبلي يعرفك!

ان كانها غابة حسد
العاذل أعرف خطوته

وانتي تعرفين ( الأسد )
ماينحرم من ( لبوته )

الله أكبر كلما هلت ذنوب
والله أكبر يوم ربي غفرها

والله أكبر كلما هبت هبوب
والله أكبر من تهيا مطرها

والله أكبر كلما بان محبوب
ومن قبل لا تهديه روحك هجرها