همس النسيم

تعبنا من مجامل واحدٍ يلعب على الحبلين
يظن انه ذكي ، والاذكياء تستغبي ظنونه

وزهقنا من مدارى الخطر وبلاهة الفاهين
يسوون الخطاء عادي ولا كنهم يسوونه

- محمد جارالله

المســــافررر ,الـتـوق معجبون بهذا

عسى الراحل اللي عاد باقي غلاه مقيم
يعُوْضه عن وجيه المخاليق .. وجه الله

ذكرته .. و أنا بين التحيات و التسليم
ودعيت و ما خاب اللي دعا و التجى لله

عبدالله بن جعثم

المســــافررر ,الـتـوق معجبون بهذا

منهج كرامتنا على العز ما مات
نموت لاجل نصونها ما ارتخينا

من طيبنا نرقى بروس الطويلات
ولا ننشد اللي قال وش قال فينا

نسمع وندفن جمرها داخل الذات
نضحـك لها لو كان كبرت علينا

نواجه الصدمات باحساس الاموات
ونقول ما ندري ..لو انا درينا.

#عابد_الشيباني

المســــافررر معجب بهذا

تعاملْك باخلاقك يحدّد قبول الناس
وثوب التّصنع لو لبسته ترى بيّن

مايمْلك قلوب الناس من ساير الاجناس
سوا طيّب الاخلاق والهيّن الليّن

فيصل الكسر

المســــافررر معجب بهذا

يا كثر ما ربي .. خلق من عباده
متصرفٍ .. بالخلق فالزين والشين

الله من ناسً .. عليهم قراده
لا من هل الدنيا ولا من هل الدين

ولا لهم في .. كل الاحوال راده
في حالتن غبرا و هم مطمئنين

- سعد بن هتيل رحمه الله

المســــافررر معجب بهذا

افتقدك

ليتها كلمات

ليتها همسات

لكنها جمرات

خرجت من جوف يتعذب

من فقدانك لحظات

فكيف اذا فقدتك سنوات






N ساميـــــn
❤️

مداد اليراع ,الـتـوق معجبون بهذا

خلك على وضح النقا تكسب الناس
وإن ماكسبت الناس راحتك مكسب
'
وكلن على جوه ويقدح من الراس
والناس كلن له طبيعه ومذهب
'
#سعود_السماح

الـتـوق معجب بهذا

جامل ولكن .. لاتقاد .. ولاتساق
استر خمال الناس واظهر طيبها

الفرق مابين .. المجامَل والنفاق
شـعرة .. كثير الناس مايدري بها

#عبدالله_الطلحي

الـتـوق معجب بهذا

اخترت من روحي لروحي نصايح
ثـلاث يرضن النفـوس الضياقي
.
جمـع الحطـب ومعلقـات الذبايح
وحذف النشـاما للغتر والطواقي
.
خلوني اقضي باقي العمر سايح
مدام للعمر المطرف بواقي
.
امشي تحت ظل المزون الروايح
وابسط فراشي في مبارك نياقي
.
خلف هذال

الـتـوق معجب بهذا

كل يبي ياخذ نصيبه وهو حي
ويلقا حسابه عند ربه ليامات

ياصاحبي ركز معي واستمع في
عندي وصيه صغتها بربع ابيات

وصية ماقلتها ارجي بها . شي
ولالي وراهايابيض الوجه غايات

اليا دعاااااك ابليس للمعصيه عي
قله اخااااااف الله رب السموات

#عبدالله_الضبيطي