همس النسيم

ولقد ذكرتك والرماح نواهل منى

وبيض الهند تقطر من دمـــــــــــى

فوددت تقبيل السيوف لأنهـــــــــا

لمعت كبارق ثغرك المتبســـــــم

عنترة

المســــافررر ,الـتـوق معجبون بهذا

مو شرط تصبح كل الأوقات .. لمّاح
ترى التغابي .. من فنون الذهانه

واكرم ، ولا تحسب مخاسير وارباح
غير الكفن محدن خذا .. من زمانه

ولابد وقت اتفارق الروح الارواح
وكلن حسب فعله .. يحدد بشانه

يوماً يفرُ المرء من هول ما لاح
عساي من عقب اللحد في جنانه

والعقْل هو منجاتك بْكل مرواح
مابه نجاح .. الا وراه الرزانه

والحب لبواب الملذات مفتاح
يعيشها منهو وفا له ، وصانه

بس البشر بقلوبها سم وارماح
تتقن بكل اخلاص دور الخيانه

احمد الردعان

المســــافررر معجب بهذا

مساء الشعر

ما الشعر إِلا شعوري جئت أعرضه
فانقدْه نقداً شَريفاً غير ذي دخل
وأحسن النقد ما يرضى الجميع به
وأسوء النقد ما يفضي إلى الجدل
الشعر ما عاشَ دهراً بعد قائله
وسار يجرى على الأفواه كالمثل
والشعر ما اِهتز منه روح سامعه
كمن تكهرب من سلك على غفل

شعر :جميل صدقي الزهاوي

المســــافررر معجب بهذا

ً
ً

همس النسيم لروح الوردة
ففاحت بعطر الشوق
واهتزت لهفة وتململت وصال
وانحنى كل شي منها

ثم لامس النسيم يديها
فانتشت غرام
وطربت انسجام
ورقصت حياة وأمل

ولفّها حلم الليالي والسنين
وبكت فرحة والم وذكريات
ففرحتها للحظة
وألمها لما كان
والذكريات التي أسعدتها
في وقت من الأوقات
وأبكتها الآن ..


حرف مسافر


ِ

المســــافررر ,النقاء ,الـتـوق معجبون بهذا

الله يقطع الحاجه ومشي بلا مشهاه
والله يقطع اللي كلّ من قاربه ملّه
والله يقطع اللي لا بغيناه ما نلقاه
والله يقطع اللي لا صفا ما صفا كلّه

الشاعر سعد بن جدلان رحمه الله

الـتـوق معجب بهذا

أختار سمحات الدروب النظيفة = أللي غسلها رايح المزن برشاش
يمشونها قوم النفوس الشريفة = أللي ضمايرهم نقية كما الشاش
بيوتهم مثل القصور المنيفة = ماهي لطير البوم غيران وأعشاش
وإحلالهم للضيف دايم مريفة = لو رجلهم يسرح ويضوي على ماش
والرجل منهم مايخلي رديفة = إن مات غيره مات وإن عاش له عاش
وإن مات منهم رجل عقب خليفة = يطعن نحور القوم ويرد الأدباش
يعرف هدف روحه ويعرف وليفه = مايعرف الخونه ولاهو بغشاش
وإليا رزقه الله بعذراُ عفيفة = يحطها مابين نونه والأرماش
ماهو على الخفراات يستل سيفه = وليا طالعوه الرياجيل ينحاش
حلو النبا سمح المحيا لضيفه = ويصير له خادم مسخر وفراُش
وإن مد مامدية يمينه قصيفة = مدة يمينه تبهر الخبل واللآش
وليا هرج تلقى علومه طريفه = ماهو لهفوات المناعير منقاش
وإن شبت النيران ماهو بليفه = في ساعة الكربة سواري ورشاش
سدة بعيد ولاحد يلحق غريفة = ماهو لعرض مكرم العرض نهاش
الشوك في جنبه سواة القطيفه = إن كان مله بيت مامون وفراش
مايرتكي فوق الخبول الضعيفه = اللي ليا حركتها قدرها طاش
وصحيفته ياطيبها من صحيفة = إلها مع العقال كاتب ونقاش
حاز المراجل والمراجل كليفة = ألا على إللي كل مارامها هاش
وإن شاف له في جانب القوم خيفة = تلقاه للخيفه مهاجم وبطاش
الصدق والمعروف والطيب كيفه = يغبش لها مع طلعة الفجر مغباش
للحمل ماتلقى جنوبه ضعيفة = حوله بروق تبهر العين وإفلاش
يصبر على جرحه ويمسح نزيفه = طبه بشبه خير من طب الأحباش
ولاهو كما سبع سنونه ضعيفه = دايم يلحسها وللعظم عراش
وإن شاف له في غيبة الناس شيفه = ماهو بخبل لأخضر العود قراش
دنياه لن صارت ذلول عسيفه = طوع عليها كل عاصي ونفاش
وإن كان قفت ماعليها حسيفة = ماهو ورا هوج المعاصير قشاش
وإن جاع ماوقع كما طير جيفه = وإن عري مايلبس سماليل وإخياش
وإن جا نهار كل قرم يعيفه = ماهو ليا ثارت على القوم رماش
الكذب معروف بين الأجواد زيفه = والصدق مثل السيف صاطي وحشاش

الشاعر مطلق الثبيتي رحمه الله

النقاء ,الـتـوق معجبون بهذا

غرّدي بالحب يا لحظة هواي
والعبي تطريب يا نجمة سماي
واحضني خفقات قلبي لو يطير
واجمعي رقصات فلاحي في خلاي
أزد هم في صدري الشوق العظيم
والهوى في قلبي أبعد من مداي
فيني أكبر من غرام العاشقين
والأمل يسبق من الفرحة رجاي
إنت الدنيا إذا عاد الزمن
وأنت الحسرة إذا جاني بلاي
وأنت الما في حياتي والهول
أنت أرضي والوطن أنت سماي
وأنت أجمل لحن غنيته طرب
وأنت الحب اللي يملا فضاي
صاحب السمو الملكي/ خالد الفيصل

(دايم السيف)

النقاء ,الـتـوق معجبون بهذا

كم واحدٍ يضحك لمن يضحكوني

يحسب الصحبة على ضحكة الناب

مايدري ان الضحك شي يهوني

العلم من يفزع بوقت ام غصاب

ولو كان كل اصحابنا ينفعوني

كان اغتنينا من كثر عد الاصحاب

لاشك عند اللازمه ينقصوني

ماكل من قال اركب الخيل ركاب

الشاعر محمد بن شلاح المطيري رحمه الله

النقاء ,الـتـوق معجبون بهذا

ان كان تضحك معجبك كبر دنياك

ولها بقلبك صار حبٍ كبيري

اذكر اليا قفيت عنها وشلناك

ولقيت مثواك الأكيد الاخيري

الشاعر محمد بن شلاح المطيري رحمه الله

النقاء ,الـتـوق معجبون بهذا

يفوح العود من [ جمره ]
وستر اجسادنا من [ ابره ]..!!
ومن ذرة رمل هذا الجبل ياصاحبي كبره ,
اذا ماصرت انت الورد || خلك دايما عطره...!!
مثل شاعر يكون النحل..~ وتكون الناس
كل الناس هي زهره..!!
ويجيب من الكلام "اشكال..
شعر صافي لاصار الحب هو قدره...
وحياتك انت..تنهيها وتبديها..
ترى بـ فكرة .....!!!!

سالم السيار

المســــافررر ,حرف مسافر معجبون بهذا