عندما يهبط طائر الحرف

بصمـــــــــــــــــــــــــــــــت سالم وأسلّم

حاول لاترى الا كل ميزة

فهي لك تحفيزة

وتنقلك للأفضل بدون تأشيرة أو فيزة

قال: في الأسواق تلقى أنواع البضايع

قلت: أحسن حاله أدخل السوق لاضامي ولا جايع

قال:يعني وش الحكمه وش تقصد من العطش والجوع

قلت: تقدر تصنف وتعرف جودة النوع

قال: حروفه فيها تشويق فيها أمتاع

قلت: وحروفكم ثمينه وموزونه بالمد والصاع

قال: كان هناك دسم كامل للكلام

قلت: أيه كلام العلماء يعتبر ذروة السنام

قال:من يدخل البحر لازم يعرف العوم

قلت: لاتنسى سفينة نوح مابناها في ليله ويوم

قال:وش تعرف عن كفة الميزان

قلت: أعرف من رجحت به في الخير ربحان

قال: غيرنا ماهو أحسن منا التغيير طموحنا وأملنا

قلت: وش جرى ياأهلنا بغير الشريعه ما أعلنَّا

قال: الإصلاح بداية خطوات النجاح

قلت: بس هناك فرق بين الصياح والنياح

قال:لكن نسمع ولا نشوف لازم نجتمع ونطالب بالألوف

قلت: صدقني ماهي طيبه نضعف ونربك معزب الضيوف

قال: ليه الوفاء أصبح في الناس معدوم

قلت: لا تظلم حظك ياشين لغة العموم

قال: أنا أعطيك حقايق عليها براهين ووثايق

قلت: أتق الله أنت بشر على قلوب الناس ماأنت موايق

قال: يعني تجحد وتنكر وجوده

قلت: لا لكن ياكثر ناس الوفا موجوده

قال: ياشين الحراره في الإنسان تخرجه عن طوره

قلت: ماهو على كل حال لو ماتطلع الشمس الناس مخطوره

قال:وش جاب عند وش جاب وش تقصد من الخطاب وضح بالصوت أو الصوره

قلت: في بعض الحالات تعتبر الحراره ضروره ومن لايهتم ينشات شوتت الكوره

قال: عنود الصيد صادتني وأنا من قبلها ماأنصاد

قلت: خل حور الطين وأجتهد لحور العين يأبن الأجواد

قال: تعرض بخدٍ كنه البرق في الليل الظليم

قلت: لايغرك وميض يزول وأحرص على ضياء مستمر في النعيم

قال:وش رايك نتحاور قلت:تم لكن حدد المحاور قال:محور واحد كفايه قلت:أنطلق حليفك التوفيق بالبدايه والنهايه قال:ماهو المطلوب من الراعي والرعيه قلت:الراعي تلزمه تحقيق العداله وأمور شرعيه،، والرعيه السمع والطاعه ومناصحته والدعاء له عند رب البريه

قال: ليه ماانت بمعي وانا اللي سايلة ادمعي قلت: لست امعه وانا المداوي لمن سالت أدمعه قال: يعني ماانت بمصدقني من اللي متعبني قلت: قبل تعاتبني انت تهدم ولا تبني قال: احاول البناء لو النهاية الفناء قلت: لاتطول الدعاوي بناك والهدم متساوي