سرابيل بوح تقيني الصمت

حلل غياب حكى عنك لمسافاته
حتى طيوفك معي في البعد تغتابك

أسوأ من جلوس صمتي ..بوح وقفاته
ماينهي أتعابك إلا لذة عتابك

ورب الشمس في ( عصرك )

أحب

الهمس

من خصرك

وحدك اللي يرسمك قلبي ويعيشه..

لو سألتي : ليه وحدي؟

قلت : فوقك ( ألف ريشه ) !!

حزنت لأنها مو ضمن أشيائي
وفرحت لأنها للعشق فعلا ( شي )

خطاوي همسها ترقص على أشلائي
فدا الرقصه اذا كل الألم جا ( في )

جديلك يهدي العتمات اغوائي
ترى آخر علاج الساهرين ( الضي )

النقاء معجب بهذا

من كثر ماأحس بحنين احتياجك
صرت أشعر إن الحب طفلة يتيمه

ومن كثر مااظما للوصل في فجاجك
ماعاد أشوفك في العمر غير غيمه

كل شي يتصلح بتكراره
لان الخطا واضح ويتبرر

إلا ( الوثوق ) ان طاحت اسواره
صعبه اذا ماضاع يتكرر

حبنا صامت ومخنوق الكلام
من زمان الهمس خفنا لا نبوح

اعترفنا بكل شي إلا الغرام
لين خلينا لغياب الوصل روح

يسعد صباح اللي حروفك تقهويه
يقرا وهو يرسم مداك بخياله

وشلون يشعر لو يدك جات بيديه
وهو يذوب أصلا بهمسة رساله ؟!!

آه لو للبال ( عين )
وشفتي في كوخ السنين..
كم تركت أكوام من لهفة حنين..
كان والله تشعليها..
لين ماظلي يبين

أشوف النور يسبقني
وطاح الصبح باحضانك

يغاريني ويقلقني
لانه ذاب بالوانك

يقول : ابعد وفارقني
وانا محتاج تحنانك

ولكن بكره الحقني
بجي قبله على شانك