مساحة روح

ما اعرف كيف و متى صرت احب الخيول
بس صرت اعشقها كثير
خصوصا اللي مثل كذا
افكر بعد فترة احطها رمزية لي

اللهم يا جبار اجبر قلبي عاجل غير آجل

يقولون
الرجل مهما كبر رح يكون مثل الطفل
و الصدق كنت مرات اصدق كلامهم
بس الحين ما اعرف
ممكن يكونون مثل الطفل
بالانانية و يبغون الاهتمام و حب النفس
و اكيد البعض مو الكل
لان نظرتي لهم للاسف يكون مو حلو
بسبب بعض الفئة
و اكيد
المرأة مو ملاك نازل من الارض
و ان الرجال هم بس السيئين
ما اقول الا
الله يهدي الجميع و يصلحهم
لان الدنيا اختبار

سبحان الله
بعض احاديث الرسول عليه الصلاة و السلام
قاعد يصير بهذا الزمن
الصراحه هذا الشيء يخوف
لان ممكن الشخص يصبح مسلم و يمسي كافر
و الخوف من ربي صار قليل

الله يثبت ديننا على الاسلام يارب

النماص من المدن اللي اعشقها
مع انه ما جيتها الا مره و على السريع
مستعدة اعيش فيها كم شهر
اذا كان بهذا الخضار و اجواءها جميلة كذا
لاني من عشاق الطبيعة جدا

شعور غريب جدا
لي كم يوم احس بقلبي
شعور ما اعرف كيف اوصفه
و انا حاطه لي احتمالين
الاول
دعاء بظهر الغيب
الثاني
سكينة من ربي
لان قبلها كنت اعاني من مشاعر سيئة
و ما زلت بس افضل من اول
الحمد لله دائما و ابدا

ودي بقوة
اقوي شخصيتي
لاني عاطفية كثير و من النوع المهزوز
ما اقول ما حاولت
حاولت كثير
بس انكسر و انجرح
و اسعد و ما ابين هذا الشيء
لدرجة كم شخص يقولون لي اني باردة
لو يعرفوني من قرب
كان ما قالو لي كذا

و عرفت ما راح اغير شخصيتي و اخليها قوية
الا بعد ما اتزوج
صحيح مو على طول رح اتغير
بس على الاقل اقدر
ممكن يقولون بينهم ان احتمال
زوجها غير شخصيتها
ما يهم هذا الشيء

جازان جميلة
بس احس الحين صارت اجمل بكثير
الصدق عشان اكون صريحة
مستقبلا ودي اذا تزوجت
شهر عسلي يكون داخلي
لان والله وطني افضل من برى
و اكيد القرار الاخير مو لي

( رحلة الدعاء )
اغرب شيء مريت و ما زلت امر فيه
حسيت بمشاعر غريبة
رؤيا مبشرة
تسخير
لطف
رحمة
و اشياء غيرها ما اعرف كيف اشرحها

الصراحة
بديت بالرحلة و وكلت اموري لله
و الهدف كان قربي لله و رضاه
لما بديت الرحلة
كان ببالي ما ابغى اتزوج
صح كان ببالي شخص معين
بس قبل ما اوكل اموري لله شلته من بالي

و سبحان الله ربي شاله من تفكيري
ممم ممكن اسبوعين او اقل
و بعدها رجع اقوى من قبل
كيف ما اعرف
و شفت رسالات و بشارات عنه

ومع كذا لما الهمني ربي ادعي
عن الزواج بديت ادعي بصفات اللي اتمناه
يكون بزوجي جلست اشهر كذا
و بعدها سخر لي ربي
شخص من جد كنت محتاجتها
لان رحلة الدعاء. صعبه كثير

بس عرفت كم شيء عنه صدمني
لاني ما توقعت هذا الشيء
و تأكدت اذا ربي اعطى ادهش

قسم بالله من كثر ما كان ببالي
صار ربي يسعده حلم لي
اتمنى ما يعرف هذا الشيء
عشان لا يغتر هههه
لاني اتذكر انه شخص واثق جدا بنفسة
ربي يحفظة وين ما يكون

قررت اكتب بين فترة و فترة هنا
مخطاطاتي المستقبلية
كتأكيد ان شاء الله اني ابغى
احققها اذا ربي اراد
و كان خير لي
عشان ارجع لها
صحيح مو كلها بس البعض