مشاركتي في ( رسالة في صندوق البريد ) .... كوني مثل ما نتي

مشاركتي في ( رسالة في صندوق البريد ) .... كوني مثل ما نتي

مشاركتي في ( رسالة في صندوق البريد ) .... كوني مثل ما نتي هذي الرساله موجهه الى انسانه أجبرتها الوظيفة على الاختلاط بالرجال . والموقف الذي نتج عنه هذا النص يتلخص في أن أحدهم ممن لايخافون الله في خلقه ساعدها عند احتياجها له في العمل واعتبرها فرصة ذهبية للحصول عليها وقام بتشويه سمعتها عندنا و نوى الاذى بها باسم الحب والصداقه . هي لاتعلم شيئا ولم تره سوى ذلك اليوم ولاتعرف حتى اسمه و من براءتها قالت لي سلم لي عليه و اشكره نيابة عني . ولعلمي بما يضمر لها من شر جاءت هذه الابيات . أتمنى أن تنال رضاكم وكل عام وانتم بخير .. كوني مثل ما انتي نظيفه شريفه لا يخدعونك زايفين المظاهر 🌹 اقسم لك ان طحتي تصيرين جيفه يتناهشونك هالكلاب السواعر 🌹 من لطفك تظني الخلايق لطيفه يوم اللطافه هندمت وحش كاسر 🌹 لا شافك اصبح ناعمٍ كالقطيفه يجذبك بالمنطق وهو شخص غادر 🌹 صوني فؤادك قبل يبدا نزيفه الطب ما هو في الخيانات قادر 🌹 كوني اميره لا تكوني وصيفه لان الوصايف جاريات و معاطر 🌹 يسلى بهن راعي الأمور السخيفه بالله منهو يرتجي شخص عاهر !؟ 🌹 يتفاخر ان صاد الغزال الرهيفه و تصير سمعتها على كل ناشر 🌹 مهما عطاك الصدق نفسه ضعيفه والنقص فيه يكمّله بالتفاخر 🌹 انتي الشذا يا ام الغصون المريفه عطرك يخلي صاحي الفكر ساكر 🌹 وشلون لا شمّك جراد القصيفه* !؟ والا قطفك اللي على الله يكابر** !؟ 🌹 هل تفرحين ان دنّسك من لهيفه !؟ أو هل شذاك يظل كالأمس عاطر !؟ 🌹 لعيونك اللي خفت تصبح كفيفه جيتك من الرحمن مرسول ناذر 🌹 ما ابغى ربيعك يندثر في خريفه مجبور* اقول* الحق لو به خساير 🌹 شفتك نقيّة روح ترفه عفيفه غرّوك مدري بايش و امسيت ثاير 🌹 اي والذي خلاك عذبه شفيفه قمّه تعانق في السما غيم ماطر 🌹 اللي جعل في القلب رهبه و خِيفه واللي جعلني لاجل عيناك ساهر 🌹 اني انقهرت انك بهذي الوظيفه و يسلسلك ثعلب عرفناه ماكر 🌹 ليته صقر فوق الجبال المنيفه والا صدوق القول والفعل زاخر 🌹 قلتي سلامي بلّغه يا عريفه عنّه سألتيني بتعبير شاكر 🌹 من دهشتي مخي انقسم بالنصيفه رسالتك خنجر بالاضلاع غاير 🌹 م اقدر أوصّلها اخاف الكسيفه لا ضاع مستقبلكِ باسباب داشر 🌹 ليتك رسلتيني لناسٍ حصيفه والا رسلتيني لمن في المقابر 🌹 التوأم اللي غرّك ارضٍ جفيفه لا هم رفاقه ولا خويٍ* نعاشر 🌹 لو هو كفو كل* الملا* تستضيفه لكنّه المنبوذ والكل خابر 🌹 ما قلتها كره و حسد يالظريفه ما قلتها من غيرتي و ما اكابر 🌹 انتي جمالك فتنه انتي نظيفه و حرام لو يغويك ماجن و سافر 🌹 لا تصبحين لمن يهزّك خفيفه ترى الخفيف يطيح بين الخناجر 🌹 انتي قمر يضوي الليال المخيفه تمشي على ضوّك رجالٍ أكابر 🌹 انتي شموس الكون منتي كسيفه نورك يخلّي مقفر الكون عامر 🌹 انتي* السما* و* نجومها و الوليفه انتي الأمل و العشق و نون النواظر 🌹 طريقنا للدور الاول .. رصيفه خلّا* دقايقنا* الثلاته عماير 🌹 بنيتها من بحر* قلبي و* سِيفه ما بين صمت وبوح ولوم الضماير 🌹 مابيك غرقانه لأنك شريفه مابيك يا بنت الاكابر عصاير ..

للمزيد من مواضيعي