حد منكم سمع عن المليم

حد منكم سمع عن المليم

حد منكم سمع عن إلمليم (كان مصروفى زمان)
للشاعر المصرى شوقى غنيم
************************
حد منكم سمع عن إلمليم
إلألف منه يساوى جنيه
كان إبن عمى عبد إلحليم
لما ياخده يقول إلنهارده
أنا بيه
ويروح سوق بلدنا
ويرجع معاه حاجات كتير
شاريها بيه
إلمليم كان مصروفى كل يوم
أصل إلمرتب كان زمان إتنين جنيه
كانوا تمن أربعين رطل لحمه
إلنهارده تمنهم تلات آلاف جنيه
وعمله تانيه إسمها إلقرش
والميت قرش يساووا جنيه
كان يملا بيه زلعة مش
وميت حته جبنه فيه
علشان تشتريها إلنهارده
أقل حاجه خمسماية جنيه
رطل إللحمه زمان بخمس قروش
ولحم زمان إلنهارده ما حتلاقيه
من غلوه واحده بيستوى
موش دلقتى بتاكله وتشد فيه
ذى ما تكون بتتخانق معاه
ويا مسكين بقك ما حتلاقى درس فيه
والنصف أفرنك عمله فضيه
تروح إلسوق تملى شنطه بيه
إلنهارده علشان تملاها
موش أقل من ميت جنيه
يعنى باختصار
إلجنيه ما عدشى بركه فيه
والدولار ركب عليه
وفى سوق إلعمله يا حسره عليه
بقى يساوى إلنهارده إيه
حتى مليم زمان ما حيساويه
وكان زمان أغلا عمله
هو ... إلمرحوم إلجنيه

للمزيد من مواضيعي

 

ههه
جميلة يا والدي الحبيب
أحب فيك نقاء قلبك يا أبتِ الحبيب
بارك الله في عمرك وحفظك لجميع أحبتك

الروآد ,الشاعر شوقى غنيم معجبون بهذا

اقتباس:
المشاركة الأصلية كتبت بواسطة عطر
ههه
جميلة يا والدي الحبيب
أحب فيك نقاء قلبك يا أبتِ الحبيب
بارك الله في عمرك وحفظك لجميع أحبتك
*********************
شكرا عطر بنتى الجميله بتعليقاتك يا أول الأحبه

عطر معجب بهذا

رطل إللحمه زمان بخمس قروش
ولحم زمان إلنهارده ما حتلاقيه
من غلوه واحده بيستوى
موش دلقتى بتاكله وتشد فيه
ذى ما تكون بتتخانق معاه
/
ياعم شوقي
مافيش حاقه ما اتغيرت
اهم شي اللحمه كانت طريه ولزازه
دي الوقتي آه بقت ياساتر تخلع الضروس
بتتعدل ان شاء الله
ابدعت بالوصف..

اقتباس:
المشاركة الأصلية كتبت بواسطة الروآد
رطل إللحمه زمان بخمس قروش
ولحم زمان إلنهارده ما حتلاقيه
من غلوه واحده بيستوى
موش دلقتى بتاكله وتشد فيه
ذى ما تكون بتتخانق معاه
/
ياعم شوقي
مافيش حاقه ما اتغيرت
اهم شي اللحمه كانت طريه ولزازه
دي الوقتي آه بقت ياساتر تخلع الضروس
بتتعدل ان شاء الله
ابدعت بالوصف..
***********************
شكرا لكلامكم الجميل وان شاء الله حتتعدل

الروآد معجب بهذا