،، وقال قاسية..وجبارة.. // أحلام المصري ،،

،، وقال قاسية..وجبارة.. // أحلام المصري ،،

،، وقال قاسية..وجبارة.. // أحلام المصري ،،
،
،

بتكتب غنوة تهجيني،
بتسب حبي
وسنيني..
والا جاي تفكّرْني
وتنادي
حنيني!

افتح فونك ولابك..
وشوف كام مرة
دق بابك،
سهرت أنادي طيف قاسي
ولا مرة جاني جوابك!

دلوقتي بقيت قاسية!
بعت ايامك وناسية؟
دلوقتي بتقول فاكر..
ومتعذب وأنا ماشية!

طيب ما نحكي من تاني
الحكاية..
بس من اولها
للنهاية
من غير مونتاج وتقطيع..
وشوف مين فينا كان شاري
ومين أستاذ ف البيع!

عموما يا قاسي
بطبعك،
انت ناسي
ودا طبعك
وأنا فعلا
دلوقتي.. بقيت
قاسية وناسية وجبارة
واخدة قراري
مش محتارة...
بحكم في أمر نفسي
وليا امارة...

للمزيد من مواضيعي

 

قول كمان وسمّعني
كلام قاسي واوجعني
قول كتير ولا يهمّك
هسمع وأقول: وايه يعني؟!

النقاء معجب بهذا

ماشاء الله تبارك الرحمن
الكاتبة الغالية احلام المصري
قصيدة جميله
كيف تمنح الحرف قُدرة
على التّشكل كما رياض من العطر .؟
كيفَ لك أن تنثر الحبر كما سُقيا غمامٍ
بالهون حتى يقين الخبر
تبسم البوح هنا و شعوراً يختال على السطور
هذا النص فيه جماليات طبيعية خرجت تلقائية .
تحلق بالإحساس و الحرف
طوبا لنا بك
تقديري لحرفك الفخم ......
وشكرًا يتكاثر لروحك الغالية هنااااا

جميل جدا جدا

أبدعت وأضفتى للهجة جمال فوق الجمال

شكرا لرشيق الحرف ها هنا

دمتم والجمال يتغنى بموال