مساحة روح

متأمل
اسعدني مرورك ربي يسعدك
و ردي على كلامك
بديت الحمد لله انفذ كلامك لي فترة
و مرتاحة بهذا الشيء و رح
استمر ان شاء الله
ربي يحفظك لغواليك

اول شيء من اللي ابغى احققها
جمعية خيرية
يكون للأيتام فقط
ممكن ينفتح قسم استشارات نفسية للاطفال
لان الصراحة كان من امنياتي الكبيرة
اكفل يتيم بس بعد بحث شوي و كلام اختي
الاطفال اذا كبرو و عرفو العائلة اللي عايشين عندهم مو اهلهم الحقيقين
بعضهم نفسيتهم يتعب
عشان كذا فكرت البديل وهو الجمعية
و اقدر اكفل البعض و اكيد
رح يكون كل هذا سر
ما راح اعلم الا زوجي لاني ابغاه يشاركني بأعمال الخير
و حلو اذا نويناها عن انفسنا و عيالنا و اهالينا
هو صح صعب بس ثقتي بربي كبيرة
و الله رح يوفقنا و ييسرها لنا

امس قلت لأختي الأخصائية النفسية الله يحفظها
اني شفت خطوات من وحدة اتابعها
عن زيادة لثقة بالنفس لمدة اسبوع
و وريتها الطريقة و قالت ايه صح و طبقيها
لأني اثق فيها مره
و لما جيت اتكلم عن خطوة الكتابة الصدق ما اعرف كيف ابدأ
ارسلت لي اوراق العمل في العلاج المعرفي
احس معقد جدول النشاط الأسبوعي مع انه صفحة
ممكن تفكيري غلط بس احس ما راح استفيد شيء
رح اجرب لأني ما راح اخسر شيء

لي يومين قاعدة اتخيل شيء
يخليني ابتسم
بقولها هنا
انا و زوجي المستقبلي جالسين عند المسبح
بالكراسي اكيد
و انا اغراني المسبح اني احط رجليني فيه
ما خليتها بنفسي و قمت من مكاني و حطيت رجليني
و صرت احركها و انا ابتسم و مبسوطه على الوضع
كنت اتأمل المسبح و السماء لأن الجو مثل الحين اتوقع قريب الشتاء
و لما كنت احرك رجليني و مبسوطة من قلبي
جلست اقوله انا يسعدني الاشياء البسيطة و مو مكلفه مثل الحين
و بالنهاية مديت يدي ناحيته عشان يمسكني و يجلس جنبي
بس ما اعرف صار او لا

ما اعرف ليش حسيته رؤيا مو خيال
لأني كنت شايفة المكان بس وجه زوجي مو واضح
اتمنى من كل قلبي
هذي اللحظات يصير لأنها ذكرى جميلة

اسئلة دينية
لازم بعد كل فترة و فترة نختبر نفسنا
هل نعرف معلومات عن ديننا او لا
لاني اكتشف ما كنت اعرف اشياء كثيرة