منتديات مدائن البوح - عرض مشاركة واحدة

الْياسَمِينْ · #1 07-24-2024, 06:09 AM

‎هنا والدمع يمـلأ مهجتـي/ والليـل يبكينـي
‎اسولفلي على الحيره/ وتاخذني لـك الأحـلام

‎حبيبي/ وإنت تدري بالغلا مـا بينـك وبينـي
‎حبيب الأمس حبيب اليوم حبيب لباقـي الأيـام

‎أحبـك/ والغـرام اللـي بقلبـي لـك يغنينـي
‎كما عصفور/غنى لي/ حبيبي خافقي مـن عـام

‎يدندن باسمك وشوقي حبيبـي لـو يعنينـي
‎يكفيني إلى منـه حضنتـه روح / مـا انضـام

‎لك الله لو تخون الشمس/ باقي العمر وسنينـي
‎ماخونك/ حب/ لو انه مسافات الشقـاء قـدام

‎بضمك وأحْلِمِكْ واقـراك لاضاعـت عناوينـي
‎وبملأ دفتري باسمك / ولا / تشره على الأقلام

‎لأنـي ما فتحـت المحبـرة / وابتلـت ايدينـي
‎فتحت الـروح لقدومـك / وقلـت الله ياعـلام

‎يا علام الغيوب / افرج لقلبٍ سـال مـن عينـي
‎تمرجح بالهدب / والموت من زفراتها الأنسـام

‎تسابق لهفتي/ والشوق يصرخ وينـك وينـي
‎عسى هذ الفراق/ اللي نعيشه عايشـه بأحـلام

‎ما بي اصحى على لعنة جفاك وقسـوة سنينـي
‎أبي أرجع أعشق الماضي/ لو اني عشقت أوهام

تم نشرها في جريدة الجريدة الكويتية
للمزيد من مواضيعي